Трэція ў рэспубліцы
У канцы мінулага тыдня ў Гомелі прайшло першынство Рэспублікі Беларусь па пляжным валейболе. Упершыню ў гісторыі шумілінскага валейболу валейбалісты Шумілінскай СДЮШАР Раман Аглушэвіч і Алег Бохан заваявалі 3-е месца. Трэніруюць бронзавых прызёраў Аляксей Паршыкаў і Юрый Пальвінскі.
Другое і трэцяе месцы
Гарадок прымаў удзельнікаў абласнога першынства па летнім біятлоне. Юныя шумілінскія біятланісты, якія займаюцца ў трэнера Генадзя Салапаева, заваявалі два медалі ў масстарце: Вікторыя Іспянькова стала другой, Марыя Іванова – трэцяй.
Абласныя спаборніцтвы: рыбная лоўля і стральба
У суботу абласная арганізацыя Беларускага таварыства паляўнічых і рыбаловаў правяла ў нашым раёне два абласныя спаборніцтвы.
На возеры Круглік прайшлі спаборніцтвы па рыбнай лоўлі. Лепшы вынік паказалі аршанскія рыбаловы, шумілінская каманда (Аляксандр і Васіль Юдавы, Юрый Гарлачоў) заваявалі трэцяе месца.
У кар’еры каля вёскі Лялюгі адбыліся спаборніцтвы па стральбе з гладкаствольнага ружжа па талерках, стаячай касулі і стральбе з лука. За перамогу змагаліся больш за 40 чалавек. Першае месца заваявалі лёзненскія паляўнічыя, шумілінцы ў прызавую тройку трапіць не змаглі.
Аляксандр ШЭДЗЬКО.
