На вобласць паедуць Глеб Вясна і “ПРАВАлайк”
Раённы этап фестывалю прававых ведаў, які прайшоў на базе Шумілінскай СШ № 1, сабраў дзевяць агітбрыгад з устаноў адукацыі.
Усе ўдзельнікі старанна рыхтаваліся да выступлення, выбіралі тэмы, каб данесці да сваіх аднагодкаў і бацькоў важныя мэты: быць адказным перад грамадствам, законам і самім сабой, не дапускаць правапарушэнняў. Удзельнікі агітавалі за здаровы лад жыцця, карысныя ўчынкі, сумленныя паводзіны.
Таксама прайшла прававая алімпіяда, у якой перамогу заваяваў Глеб Вясна з Башнёўскай базавай школы.
Па выніках выступленняў журы адзначыла агітбрыгады па трох узроставых групах.
У малодшай групе пераможцам стала брыгада “ПраваЗнайкі” з Обальскай СШ.
У групе сярэдняга школьнага ўзросту перамагла агітбрыгада “Хуліганству – стоп!” (Слабадская БШ), другое месца – у брыгады “Алімп” (Мікіціхінская СШ), трэцяе – у “Класных рабят” з Баш-нёўскай БШ.
У старэйшай групе перамагла агітбрыгада “ПРАВАлайк” (Шумілінская СШ № 1). На другім месцы брыгада “Пазітыў” (Амбросавіцкая БШ), на трэцім – “Правая справа” (Кардонская СШ).
Абараняць гонар раёна 24 красавіка на абласным этапе будуць Глеб Вясна і “ПРАВАлайк”.
Сяргей ЕРМАЛАЕЎ
