“Служым Беларусі!”
Сёлета спаўняецца 20 год грамадскаму аб’яднанню “Беларускі саюз афіцэраў”. У нашым раёне ў маі 2006 года дваццаць афіцэраў на ўстановачнай канферэнцыі ўтварылі раённую арганізацыю. Старшынёй абралі палкоўніка Г. К. Шынкевіча.
З першых дзён існавання арганізацыі афіцэры актыўна ўключыліся ў грамадска-палітычнае жыццё раёна. “Беларускі саюз афіцэраў” – арганізацыя ў прамым сэнсе гэтага слова баявая, – адзначае сённяшні старшыня раённай арганізацыі палкоўнік В. І. Жандараў (дарэчы, Валерыя Іванавіча абралі старшынёй у 2008 годзе), – афіцэры з’яўляюцца лідарамі ў патрыятычным выхаванні моладзі, заўсёды прымаюць актыўны ўдзел у знакавых для раёна і рэспублікі мерапрыемствах”.
У мінулую суботу афіцэры сабраліся ў раённым ваенным камісарыяце. Адтуль вайсковым крокам прайшліся па цэнтральных вуліцах Шуміліна да брацкіх могілак. Тут адбылося ўзнагароджанне афіцэраў юбілейным медалём, прысвечаным 20-годдзю “Беларускага саюза афіцэраў”. Ганарова і пачэсна гучала ад афіцэраў “Служу Беларусі”.
З нагоды юбілею намеснік старшыні райвыканкама А. М. Зайцаў павіншаваў афіцэраў і выказаў цвёрдую ўпэўненасць, што раённая арганізацыя “Беларускага саюза афіцэраў” і надалей будзе адыгрываць важную ролю ў грамадска-палітычным жыцці раёна. Безумоўна, прагучала і пажаданне павялічваць колькасць членаў арганізацыі.
Аляксандр ШЭДЗЬКО.
Надрукавана ў №72 ад 11.09.2012 г.
Пятница, 19.04.2024
