6 мая ў канцэртнай зале «Віцебск» прайшла ўрачыстая цырымонія ўзнагароджання пераможцаў штогадовага абласнога конкурсу сярод журналістаў і рэдакцый СМІ Віцебскай вобласці, прысвечаная Дню друку і Дню работнікаў радыё, тэлебачання і сувязі.
«Сёння мы ўшаноўваем тых, хто піша і захоўвае гісторыю, хто захоўвае незабыўныя кадры, хто даносіць інфармацыю не толькі тым, што жывуць цяпер, але і нашым нашчадкам, – адзначыў старшыня Віцебскага аблвыканкама Аляксандр Субоцін, выказаў шчырую падзяку прадстаўнікам сродкаў масавай інфармацыі Віцебскай вобласці за працу і пажадаў творчых поспехаў.
Кіраўнік рэгіёна ўзнагародзіў пераможцаў абласнога конкурсу сярод журналістаў і рэдакцый СМІ вобласці ў 9 намінацыях.
На ўрачыстым мерапрыемстве адбылося ўшанаванне пераможцаў абласнога творчага конкурсу на лепшае асвятленне ў СМІ дзейнасці органаў і падраздзяленняў па надзвычайных сітуацыях Рэспублікі Беларусь і асноў забеспячэння бяспекі жыццядзейнасці.
Дыпломам I ступені ў намінацыі «Прапаганда ведаў у галіне забеспячэння бяспекі жыццядзейнасці насельніцтва» ўзнагароджана галоўны рэдактар установы «Рэдакцыя газеты «Герой працы» Шумілінскага раёна» Алена Карпушэнка. Дыплом, кветкі і падарункі ўручыў член Савета Рэспублікі начальнік Віцебскага абласнога ўпраўлення МНС Сяргей Мялешкін.
Заслужаныя ўзнагароды атрымалі лепшыя работнікі друкарняў, прадпрыемстваў сувязі.
Ларыса ЗАЙЦАВА.
