Вызначаны лепшыя ў плаванні і шашках
На гэтым тыдні ў рамках спартакіяды прайшлі два віды – плаванне і шашкі.
У панядзелак у басейне фізкультурна-аздараўленчага цэнтра прадстаўнікі дзевяці каманд прадпрыемстваў і арганізацый раёна выйшлі на старт у эстафеце па плаванні.
Хуткасць, азарт і імкненне да перамогі – усё гэта можна было ўбачыць у вадзе. Вынікі спаборніцтваў па плаванні: першае месца – СДЮШАР, другое – Раён газазабеспячэння, трэцяе – УП ЖКГ.
Шумілінцы любяць шашкі. У аўторак за тры прызавыя месцы змагалася 25 прэтэндэнтаў. Кожны ход на ўліку, кожная партыя – барацьба за месца на п’едэстале.
У выніку першае месца ў каманды Шумілінскага вытворчага цэха ААТ «Верхнядзвінскі масласырзавод», другое – у ЦРБ, трэцяе – у Слабадской БШ.
Аляксандр ШЭДЗЬКО.
