Халадзільнік са слядамі ржы
Камітэт дзяржкантролю прадухіліў парушэнні ў рабоце мясаперапрацоўчых нарыхтоўчых аб’ектаў.
У рамках ажыццяўлення кантролю за дзейнасцю мясаперапрацоўчых арганізацый, якія не забяспечваюць поўны цыкл перапрацоўкі мясной сыравіны, кантрольна-аналітычныя мерапрыемствы праведзены ў двух нарыхтоўчых аб’ектах Полацка і Наваполацка. Устаноўлены парушэнні санітарных норм і правілаў, санітарна-эпідэміялагічных патрабаванняў. Памяшканні не абсталяваны сродкамі кантролю тэмпературна-вільготнаснага рэжыму, вокны – сеткамі для абароны ад насякомых, абсталяванне халадзільнай камеры (захоўвалася гатовая прадукцыя) мела сляды іржы.
У дачыненні да аднаго аб’екта прыпынена ветэрынарная сертыфікацыя прадукцыі. За дапушчаныя парушэнні вінаватыя службовыя асобы прыцягнуты да адміністрацыйнай адказнасці.
Падрыхтавала Алена КАРПУШЭНКА.
