Дом в котором мы живём. Жители дома №77 по улице Юбилейной украсили свой подъезд

Общество

Жыхары дома № 77 па Юбілейнай запрасілі ў свой пад’езд казку
У большасці сваёй жыхары шматпавярховак прывыклі быць у адказе толькі за свае кватэры. Што датычыцца пад’ездаў, дык да іх адносяцца як да “месцаў агульнага карыстання”, а агульнае – значыць, нічыё. А вось жыхары дома  № 77, што па вуліцы Юбілейнай, прытрымліваюцца іншага прынцыпу. Яны самі ўзяліся навесці парадак у пад’ездзе, вырашылі зрабіць свой пад’езд самым прыгожым у райцэнтры.
“Ініцыятарам стала Юля Калянковіч, – кажа А. П. Дземянцей, жыхар гэтага дома. – Гэта маладая дзяўчына накупляла фарбаў і загарэлася размаляваць сцены. І ўзоры такія атрымліваліся прыгожыя, казачныя. Не дапамагчы было сорам. Адгукнуліся многія суседзі”.
Мы завіталі ў адрамантаваны пад’езд. Сцены, пляцоўкі кожнага паверха тут сапраўды эксклюзіўныя. Пад вокнамі – смяшарыкі з вядомага мульціка, на сценах – кветкі, экзатычныя жывёлы, рыбы, героі вядомых мультфільмаў.
“Да гэтага сцены тут былі страшныя, жоўта-брудныя, – кажа Юлія. – Спачатку  я купіла адну бляшанку акрылавай фарбы і розныя “колеры”, потым другую. А пасля і суседзі прынеслі фарбы.
А дзіцячыя малюнкі выбірала наўмысна, бо ў нашым пад’ездзе жыве шмат дзяцей”. У сям’і Калянковічаў таксама падрастае сынок. Юля яшчэ знаходзіцца ў водпуску па догляду за дзіцяці. Засне Уладзік – а яна хутчэй на пляцоўку, бярэцца за пэндзаль і фарбы. Потым на дапамогу выйшлі Вера Куканенка (як высветлілася, яна таксама вельмі добра малюе) і яе муж Аляксандр. Дапамагла пафарбаваць сцены і Святлана Лапцева. А малюнкі на першым паверсе зрабілі тэматычныя, прысвечаныя аматарам-рыбакам, якія тут жывуць.
Цяпер жыхары дома № 77 ганарацца сваім пад’ездам. “Вельмі радуе, што людзі паважаюць маю працу, – кажа Юлія. – Калі раней моладзь мела звычку сядзець на падаконніках, то цяпер не робіць гэтага, інакш папсуюцца малюнкі. У планах – пафарбаваць поручні лесвіцы і пабяліць столь. Думаю, тут дапамогуць мужчыны”.
Ларыса ЗАЙЦАВА.
Надрукавана ў №33 ад 26.04.2013 г.



1 комментарий по теме “Дом в котором мы живём. Жители дома №77 по улице Юбилейной украсили свой подъезд

  1. Хачу заўважыць, што да «месцаў агульнага карыстання» цывілізаваны чалавек ставіцца так, што гэта ніяк не шкодзіць гэтым самым месцам. Пры гэтым зусім неабавязкова размалёўваць пад’езд. Хаця, калі дужа хочацца і ніхто з суседзяў не супраць — то чаму б і не.

Добавить комментарий

Ваш адрес email не будет опубликован. Обязательные поля помечены *