Вывозяць арганіку
Спецыялістамі райсельгасхарчу пастаўлена задача пад яравую сяўбу будучага года вывезці на палеткі 206 тысяч тон арганічных ўгнаенняў.
І гэтыя работы стартавалі нядаўна на ўсіх сельгаспрадпрыемствах.
“Пад азімыя культуры ўнеслі 32 тысячы тон арганікі. Зараз арганіку вывозяць на тыя палеткі, дзе ідзе ворыва, – расказала галоўны спецыяліст райсельгасхарчу Алеся Пушнякова. – Пакуль вывезена нямнога – 5900 тон. Наперадзе раённай зводкі УП Шумілінскі райаграсэрвіс” (1470 тон), ААТ “Прыдзвінскі” і “Прыазёрны мір” – вывезлі 1160 і 940 тон адпаведна”.
Кожны тыдзень у раён прыбываюць вагоны з мінеральнымі ўгнаеннямі. Пад азімы рапс, зерневыя і зернебабовыя ў раёне ўнеслі 278 тон дзеючага рэчыва калійных угнаенняў. “А пад яравую сяўбу патрэбна 2980 тон дзеючага рэчыва азотных угнаенняў, 1120 – фосфарных, 2900 – калійных, – расказала Алеся Яўгенаўна. – Пакуль што на складзе мінеральных угнаенняў знаходзіцца 400 тон хлорыстага калію, які прывезлі з Салігорска. Гаспадаркі раёна пачалі вывозіць тукі на свае склады”.
Людміла ЗУЙКОВА.
Надрукавана ў № 92 ад 24.11.2015 г.
