Падтрымлівай і выключай!
19 сакавіка з 20.30 да 21.30 пройдзе штогадовая сусветная акцыя “Гадзіна Зямлі”, якая праводзіцца па ініцыятыве Сусветнага фонду дзікай прыроды (WWF) і якую падтрымліваюць усе людзі, неабыякавыя да будучыні нашай планеты.
Акцыя заклікае сваіх прыхільнікаў адключыць святло і бытавыя электрапрыборы на адну гадзіну!
Раённая інспекцыя прыродных рэсурсаў і аховы навакольнага асяроддзя запрашае ўсіх далучыцца да акцыі і ўнесці пасільны ўклад у захаванне рэсурсаў нашай краіны і планеты ў цэлым.
Ірына БЛІЗНЕЦ, галоўны спецыяліст раённай інспекцыі прыродных рэсурсаў і аховы навакольнага асяроддзя.
Надрукавана ў №23 ад 18.03.2016 г.
