Асартымент пракату пашыраецца
Тэрытарыяльны цэнтр сацыяльнага абслугоўвання насельніцтва закупіў для пункта пракату ўстановы пяць хадункоў, па тры пары мыліц локцевых і падпахавых, прагулачную каляску, тры масажныя мячыкі для рэабілітацыі. Спонсарскую дапамогу – 2750 рублёў – аказала цэнтру ТАА «Вітконпрадукт».
«Асартымент нашага пункта пракату значна пашырыўся, за што мы вельмі ўдзячныя кіраўніцтву «Вітконпрадукта», – адзначыла загадчыца аддзялення комплекснай падтрымкі ў крызіснай сітуацыі ТЦСАН Наталля Юрчанкова. – Сродкі рэабілітацыі карыстаюцца вялікім попытам сярод жыхароў раёна. На дадзены момант восем хадункоў і пяць прагулачных калясак знаходзяцца “на руках”».
Нагадваем жыхарам раёна, што сродкі рэабілітацыі ў ТЦСАН можна ўзяць напракат бясплатна. Для гэтага інвалідам першай і другой груп трэба прадаставіць у цэнтр даведку з урачэбна-кансультацыйнай камісіі, астатнім – даведку аб стане здароўя з ЦРБ».
Па ўсіх пытаннях атрымання сродкаў рэабілітацыі трэба звяртацца ў ТЦСАН (каб. № 17, тэл. 5-71-88).
Ларыса КІСЯЛЁВА.
