Спынены крадзеж дызельнага паліва
Аператыўнымі дзеяннямі спецыялістаў Камітэта дзяржаўнага кантролю Віцебскай вобласці спынены факт крадзяжу дызельнага паліва ў дзяржаўнага прадпрыемства.
Пры правядзенні ў кастрычніку кантрольна-аналітычных мерапрыемстваў на тэрыторыі Верхнядзвінскага раёна ўвагу супрацоўнікаў Камітэта дзяржаўнага кантролю вобласці прыцягнуў грамадзянін, які загружаў каністры ў легкавы аўтамабіль. У ходзе далейшага разбору з прыцягненнем следча-аператыўнай групы АУС Верхнядзвінскага райвыканкама ўстаноўлена, што работнік дзяржаўнага прадпрыемства ўчыніў крадзеж 160 літраў дызельнага паліва для далейшага продажу.
У выніку выкрадзенае паліва вернута прадпрыемству, вінаватая асоба за здзяйсненне крадзяжу прыцягнута да адміністрацыйнай адказнасці па артыкуле 11.1 Кодэкса Рэспублікі Беларусь аб адміністрацыйных правапарушэннях.
Падрыхтавала Алена КАРПУШЭНКА.
