З 16 па 22 лістапада праходзіць рэспубліканская прафілактычная акцыя «Бяспечнае лічбавае асяроддзе».
Супрацоўнікі РАУС праводзяць комплекс мерапрыемстваў, даводзяць да людзей метады супрацьдзеяння кіберпагрозам, навыкі бяспечных паводзін у інтэрнэце. Праводзіцца работа з кіраўнікамі і супрацоўнікамі фінансавых падраздзяленняў арганізацый.
У структуры махлярстваў сёння пераважаюць такія спосабы завалодання грашыма, як вішынг ад імя службовых асоб, продаж неіснуючых тавараў на анлайн-пляцоўках, падман з нагоды інвестыцый у крыптавалюту або «заробкаў у інтэрнэце». Міліцыянеры просяць быць асцярожнымі і не давяраць званкам незнаёмцаў.
Максім ВАСІЛЬЕЎ, оперупаўнаважаны аддзялення крымінальнага вышуку РАУС.

