Лагеры распачалі сваю работу
Сёння пачалася першая змена ў школьных, спартыўных лагерах і лагеры працы і адпачынку і прадоўжыцца да 22 чэрвеня.
Лагеры дзённага знаходжання адкрыліся ў шумілінскіх СШ № 1 і СШ № 2, раённым цэнтры карэкцыйна-развіваючага навучання і рэабілітацыі і Амбросавіцкай БШ. Разам яны прымуць 208 дзяцей. Метадыст РЦДіМ Святлана Раманава, якая адказвае за арганізацыю адпачынку і аздараўлення дзяцей, адзначыла, што гэта самая масавая змена.
Лагер працы і адпачынку для падлеткаў адкрыў свае дзверы ў СШ № 2 г. п. Шуміліна. Тут адпачываць і працаваць будуць 10 падлеткаў.
Для дзяцей, якія не ўяўляюць жыцця без спорту, на базе СДЮШАР арганізаваны спартыўна-аздараўленчы лагер. На першай змене адпачнуць 98 дзяцей.
10 юных шумілінскіх біятланістаў будуць адпачываць і аздараўляцца ў лагеры «Алімпіец» Віцебскай абласной СДЮШАР прафсаюзаў па зімніх відах спорту.
А ў суботу, 6 чэрвеня, першая змена адкрыецца ў кругласутачным дзіцячым аздараўленчым лагеры «Пунсовы ветразь» у Лескавічах. Тут будуць адпачываць 75 дзяцей.
Аляксандр ШЭДЗЬКО.
