На адпачынак – у лагер
З 2 лістапада ў школьнікаў пачынаюцца асеннія канікулы, якія прадоўжацца тыдзень. Ва ўсіх 9 школах раёна і ў Цэнтры карэкцыйнага навучання і рэабілітацыі будуць працаваць школьныя лагеры, у іх адпачне 341 дзіця.
«Самы вялікі лагер будзе працаваць у СШ № 1 г. п. Шуміліна, тут адпачне 120 дзяцей. Упершыню ў СШ № 1 і СШ № 2 будуць працаваць профільныя атрады для адзінаццацікласнікаў для падрыхтоўкі паступлення ў ВНУ, – расказала метадыст РЦДіМ Святлана Раманава, якая адказвае за арганізацыю адпачынку і аздараўлення дзяцей. – Бацькоўская плата складае 12,5 рубля, акрамя профільных атрадаў (для іх кошт складае 15 рублёў). Дзяцей чакаюць разнастайныя мерапрыемствы, экскурсіі, спаборніцтвы і, зразумела, паўнавартаснае трохразовае харчаванне».
Аляксандр ШЭДЗЬКО.
