Калісьці Юрый ТОКАРАЎ прыехаў з Віцебска ў аграгарадок Амбросавічы за сваёй каханай Кацярынай КАСЦЮКОВАЙ. Вось ужо дваццаць гадоў яны разам жывуць і плённа працуюць у ААТ «Прыазёрны мір».
Апошнія трынаццаць гадоў Кацярына ўзначальвае жывёлагадоўчы комплекс у Амбросавічах, дзе зараз утрымліваюць больш за 400 кароў. Побач з ёй слесарам малочнага абсталявання працуе і Юрый. На час жніва перасаджваецца за штурвал камбайна. Месяц таму Юрыю даверылі новы кормараздатчык. Раніцай і ўвечары ён развозіць на комплексе каля 20 тон корму. «Якасць сенажу добрая, – расказвае Кацярына. – Жывёле даём канцэнтраты і шрот. Старанная праца дае вынік: надой на карову складае 9 літраў малака – удвая больш, чым летась». За гэтымі лічбамі – штодзённая праца калектыву і адданасць справе людзей.

