У майстэрнях зараз горача
У сельгаспрадпрыемствах раёна актыўна ідзе падрыхтоўка тэхнікі да пасяўной. Карэспандэнт газеты пабывала ў СФГ «Раднік» і паглядзела, як арганізавана тут работа.
На мехдвары ў Мішкавічах кожны механізатар заняты справай, “чаравалі” над сваімі трактарамі, некаторыя дапамагалі калегам. «Зімой вазіў да фермаў сянаж і салому, а вясной да “Беларуса” падчаплю плугі, затым – чызель ці бароны, – расказаў Аляксандр Кандакоў (на здымку). – Глебу, па ўсяму бачна, рыхтаваць да сяўбы выедзем хутка. Каб быць гатовым, правяраю спраўнасць вузлоў і агрэгатаў, рамантую пярэдні вядучы мост».
У першую чаргу ў гаспадарцы прыводзяць у парадак паўтара дзясятка трактароў (два з іх – энерганасычаныя), якія будуць заняты на пасяўной. «Большасць МТЗ спраўныя і ўжо гатовы прыступіць да работы, – расказаў галоўны інжынер гаспадаркі Андрэй Сямёнаў. – На набыццё запчастак выдзяляюцца сродкі, рамантуем у асноўным сваімі сіламі. Калі іншыя здаюць рухавікі на Віцебскі маторарамонтны завод у Віцебск, то мы даводзім іх да ладу самі –– эканомім грошы гаспадаркі. Працуем у звязцы з загадчыкам мехмайстэрні і механізатарамі. А яны
ў нас вопытныя – не адзін рухавік, пярэдні мост ці каробку ў трактарах перабралі».
У “Радніку” ёсць у наяўнасці тры плугі, дзе трэба перагледзець долаты, валы і лемяшы, столькі ж
культыватараў, дзе слабае звяно – стральчатыя лапы. У пасяўным агрэгаце трэба замяніць сашнікі
і насенняправоды. Пры правільнай арганізацыі ра-бот павінны паспець да пачатку ворыва.
Ларыса КІСЯЛЁВА.
КАМПЕТЭНТНЫ КАМЕНТАРЫЙ
Уладзімір Пушноў, начальнік райсельгасхарчу:
– Першымі адрамантавалі тэхніку да пасяўной у ААТ «АграБаравінка». До-бра арганізавана работа ў ААТ «Ляжні». Ухвальнага слова заслужылі механі-затары КУСГП «Сіроцінскі» – у мінулыя выхадныя яны не адпачывалі, а правялі
іх на ААТ «Заходне-Дзвінскі МРС», дзе разам з мясцовым слесарам аказвалі
дапамогу ў рамонце МТЗ-3522. А вось у ААТ «Прыазёрны мір» слабыя тэмпы
па рамонце тэхнікі. Рэкамендавана тэрмінова фарсіраваць работу».
