За ініцыятыву і здаровы лад жыцця
6 сакавіка моладзь раёна сабралася ў гісторыка-краязнаўчым музеі, дзе праходзілі канферэнцыя раённай арганізацыі ГА «Беларускі рэспубліканскі саюз моладзі» і пасяджэнне Савета працуючай моладзі.
З дакладам выступіла першы сакратар райкама ГА БРСМ Вікторыя Бяляева. Яна расказала пра значнасць 7га Усебеларускага народнага сходу, які адбудзецца ў канцы красавіка бягучага года. Дэлегатамі на гэты сход былі абраны галоўны спецыяліст аддзела арганізацыі сельгасвытворчасці райвыканкама Ягор Зімін і Вікторыя Бяляева. За плённае супрацоўніцтва з райкамам ГА БРСМ Вікторыя Бяляева ўзнагародзіла граматамі раённы цэнтр культуры, гісторыкакраязнаўчы музей, раённае аб’яднанне прафсаюзаў.
Пасля прайшло пасяджэнне працуючай моладзі. Галоўны спецыяліст аддзела ідэалагічнай работы і па справах моладзі райвыканкама Вольга Шаўнёва расказала пра задачы дзяржаўнай маладзёжнай палітыкі, Маладзёжны парламент, работу Савета працуючай моладзі. Старшынёй Савета была абрана настаўніца СШ №1, малады спецыяліст, валанцёр Аляксандра Далецкая.
Работнікі гісторыка-краязнаўчага музея правялі для моладзі віктарыну «Мой край родны, мая гісторыя жывая», якая была прысвечана 100-годдзю ўтварэння Шумілінскага раёна.
Ларыса ЗАЙЦАВА.
