Вакцынацыя з паветра
З 18 красавіка з мэтай прафілактыкі шаленства будзе праводзіцца аральная вакцынацыя дзікіх драпежных жывёл. Для гэтага выкарыстоўваюцца антырабічныя вакцынаўтрымліваючыя прынады, якія будуць раскідвацца з дапамогай авіяцыі.
Прынада ўяўляе сабой брыкет шэрага або цёмна-карычневага колеру вагой да 30 грамаў. Ён выраблены з кармавых кампанентаў, ядомых для драпежных жывёл, і мае спецыфічны пах. Унутры брыкету знаходзіцца капсула з вакцынай.
Забараняецца браць прынады рукамі і даваць іх дамашняй жывёле.
У выпадку выпадковага траплення змесціва капсулы на скуру ці слізістыя абалонкі вачэй, рота ці носа неабходна прамыць гэтыя ўчасткі вадой, апрацаваць 2-працэнтным растворам пітной соды і звярнуцца ў медыцынскую ўстанову.
Людзям, якія знаходзяцца ў месцах правядзення работ па раскідванні прынад, варта пазбягаць зоны палёту самалёта, каб прадухіліць магчымыя траўмы ад падаючых брыкетаў.
Ірына НІКІЦЕНКА, галоўны ветэрынарны ўрач Шумілінскага раёна.
