Давайце зробім гэта разам!
18 красавіка ўся краіна выйдзе на суботнік. Гэта выдатная нагода правесці дзень з карысцю і зрабіць нашы гарады і пасёлкі яшчэ ўтульней. Безумоўна, не застануцца ў баку шумілінцы. Мы будзем прыбіраць тэрыторыі населеных пунктаў, прыводзіць у парадак працоўныя месцы, мемарыяльныя комплексы, месцы баявой і воінскай славы, дапамагаць сельгаспрадпрыемствам.
Кожны ўклад важны. Гэта магчымасць адчуць сябе часткай вялікай агульнай справы і пакінуць пасля сябе нешта добрае.
Сродкі, заробленыя ў гэты дзень, накіруюць на стварэнне пастаяннай экспазіцыі новага Нацыянальнага гістарычнага музея Беларусі – будучай прасторы, дзе будзе жыць наша гісторыя.
Далучайцеся 18 красавіка. Зробім наш раён чысцей, прыгажэй і ўтульней разам!
