Карціны – ад Лучазаравіча
Дэвіз жыцця Александро Цішчанкава, творчая сустрэча з якім нядаўна прайшла ў краязнаўчым музеі, – творчасць ва ўсім. Ён піша карціны, спявае, працуе на фрэзерным станку, а ў свой час здымаўся ў кіно на студыі «Ленфільм».
Александро Лучазаравіч Цішчанкаў – член народнага клуба мастакоўаматараў «Контур» (г. Віцебск). Напярэдадні свайго юбілею ён прадаставіў Шумілінскаму музею выставу карцін у тэхніцы алейнага жывапісу.
«Заняцца творчасцю мяне падштурхнула здыманне ў кіно, бо карціны – гэта своеасаблівы маўклівы кадр, – падзяліўся Александро Цішчанкаў. – Усур’ёз стаў пісаць у 2004 годзе, калі за адзін месяц выйшла дзесяць карцін. Калі працую, нібыта падключаюся да космасу, адкуль і бяру натхненне. У 2012 годзе распісаў дом сястры ў Веліжы, які заняў першае месца ў конкурсе па добраўпарадкаванні».
Александро Цішчанкаў – мастаксамавучка. Ён піша карціны па памяці і на аснове прачытаных твораў, часта пераносіць на палатно свае сны. Мастак напісаў больш за сто работ, частка якіх знаходзіцца ў прыватных калекцыях жыхароў Веліжа, СанктПецярбурга і з іншых гарадоў Расіі і Беларусі. Кожная работа пейзажыста, які працуе ў стылі экспрэсіянізму, насычана радасцю і эмоцыямі. Адным з вядучых накірункаў творчасці з’яўляецца наіўнае (інсітнае) мастацтва, якое атрымала ў Віцебскай вобласці ў 2020 годзе статус гісторыкакультурнай каштоўнасці Беларусі.
Напрыканцы творчай сустрэчы Александро Цішчанкаў падарыў Шумілінскаму музею адну са сваіх карцін.
Выстава будзе працаваць да 26 чэрвеня.
Ларыса КІСЯЛЁВА.
