Што будзе ў памяшканні «БудМаркета»?
У былым магазіне «БудМаркет», які размешчаны ў адным будынку з кафэ «Метан», зараз актыўна ідуць падрыхтоўчыя работы да рамонту. Што будзе размешчана ў будынку былой крамы?
Пра гэта папрасілі расказаць на старонках газеты нашы чытачы, якія патэлефанавалі на “гарачую лінію” рэдакцыі.
Начальнік цэнтра гандлю і аздараўлення ВУ “Метан” Вераніка Гоманава расказала, што зараз вядзецца дэмантаж старога абсталявання, будзе рамантавацца падлога, сцены абаб’юць гіпсакардонам, столь будзе падвясная. У адрамантаваным будынку мяркуюць зрабіць прамысловы магазін, дзе будзе прадавацца касметыка брэнда «Беліта-Вітэкс», прадукцыя «Conte», іншыя прамысловыя тавары. Рамонт мяркуюць закончыць да канца восені. У магазіне адкрыюць два рабочыя месцы – запрашаюць сюды працаваць прадаўцоў.
Ларыса КІСЯЛЁВА.
