Свята на фасадах і ў вокнах
У Шумілінскім раёне выберуць самыя прыгожыя і арыгінальныя навагоднія афармленні і лакацыі
З 15 снежня стартуе раённы агляд-конкурс на лепшае навагодняе афармленне прадпрыемстваў, устаноў і тэрыторый індывідуальнай забудовы. Арганізатарамі агляду-конкурсу выступаюць райвыканкам і райсавет дэпутатаў.
Конкурс праводзіцца ў 4-х групах (прамысловыя арганізацыі; установы адукацыі, аб’екты культуры, спорту, аховы здароўя, сацыяльных паслуг; аб’екты спажывецкага рынку і паслуг любых формаў уласнасці; сельскія выканаўчыя камітэты, шматкватэрныя дамы і прыватныя домаўладанні) па намінацыях:
«З Новым годам! Мы вам рады!» – комплекснае светлавое афармленне фасадаў будынкаў, дрэў, агароджаў з магчымым выкарыстаннем ёлачных упрыгажэнняў дзяржпрадпрыемстваў і ўстаноў, ІП;
«Мой навагодні дом» – афармленне сядзібы, жылога дома;
«Новы год у маім акне» – афармленне вокнаў будынкаў устаноў і арганізацый у тэхніцы «паперапластыка» з выкарыстаннем ёлачных шароў, светлавых гірлянд.
Вынікі агляду-конкурсу будуць падведзены конкурснай камісіяй з 26 снежня па 5 студзеня і аб’яўлены на святочным дабрачынным канцэрце 6 студзеня ў РЦК.
Пераможцы ў кожнай намінацыі будуць узнагароджаны дыпломамі і падзячнымі лістамі.
Падрыхтавала Алена КАРПУШЭНКА
