7 лістапада – Дзень Кастрычніцкай рэвалюцыі
Паважаныя землякі!
Сардэчна віншуем вас са святам – Днём Кастрычніцкай рэвалюцыі!
Амаль стагоддзе аддзяляе нас ад гэтай знамянальнай даты. Кастрычніцкая рэвалюцыя не страчвае сваё значэнне ў сусветнай гісторыі і па сённяшні час.
Бясплатная адукацыя і медыцынскае абслугоўванне, васьмігадзінны рабочы дзень, ліквідацыя саслоўных прывілеяў, свабода сумлення, роўнасць грамадзянскіх правоў жанчын і мужчын – гэтыя і іншыя даброты складаюць заваяванні таго часу. Сёння яны з’яўляюцца неад’емнай часткай для кожнага чалавека.
Узяўшы усё лепшае з савецкага перыяду, Беларусь паспяхова развіваецца. Пры гэтым, адным з важнейшых дасягненняў суверэннай Беларусі з’яўляецца стабільнасць у самым шырокім сэнсе гэтага слова.
Беларуская мадэль сацыяльна-эканамічнага развіцця функцыянуе і дае магчымасць усім нам быць упэўненымі ў заўтрашнім дні.
Шчыра жадаем вам, дарагія землякі, моцнага здароўя, дабрабыту, шчасця, поспехаў і дасягненняў на карысць сваёй любімай сям’і і роднай Айчыны.
Раённы выканаўчы камітэт. Раённы Савет дэпутатаў.
6 лістапада Раённы цэнтр культуры запрашае на святочны канцэрт
«Гуляе песня за сялом, а скокі іскры сыплюць». Пачатак у 16.00. Уваход свабодны.
Надрукавана ў №85 ад 04.11.2014 г.