В Шумилинском районе нужны медики, трактористы и другие специалисты

Патрэбны медыкі, трактарысты і іншыя спецыялісты
Інфармацыя (на 12.03.2015 г.) прадстаўлена ўпраўленнем па працы, занятасці і сацыяльнай абароне райвыканкама (тэлефон для даведак 4-15-42)
КУП бытавога абслугоўвання насельніцтва (далей – КУП БАН) запрашае на работу абутніка па рамонце абутку 4-5 разраду (з/п 2,2 млн. руб).
Прадстаўніцтва “Белдзяржстраху” па Шумілінскім раёне прыме на работу 4-х страхавых агентаў (у Шуміліна, Обаль, Каўлякоўскі і Дабейскі сельсаветы), зарплата 2,2 млн. руб.
Аграному дадуць работу ў “Ляжнях” (зарплата 3,5 млн. руб), “Аграбаравінцы” (2,8 млн. руб), “Прыдзвінскім” (2,3 млн. руб).
Аператары машыннага даення неабходны ў “Ляжнях” (з/п 3 млн. руб), “Шумілінскім райаграсэрвісе” (2,5 млн. руб) і “Прыдзвінскім” (2,2 млн. руб).
Пасаду галоўнага бухгалтара прапануюць КУСГП “Ульскі” (з/п 3,6 млн. руб), КУП БАН (4,5 млн. руб), аддзел ідэалагічнай работы, культуры і па справах моладзі райвыканкама (3,2 млн. руб) і Сіроцінскі сельвыканкам (2,6 млн. руб).
Вадзіцель аўтамабіля 2 класа знойдзе работу ў КУП БАН (з/п 2,2 млн. руб), КУСГП “Сіроцінскі” (3 млн. руб), а таксама ў “Шумілінскім райаграсэрвісе” (2,3 млн. руб).
Галоўнага ветурача чакаюць у “Ульскім” (з/п 3,6 млн. руб).
Ветэрынарнаму фельчару работу і зарплату ў 2,5 млн. руб прапануюць у “Ляжнях”.
Аддзел адукацыі, спорту і турызму райвыканкама мае 3 вакансіі выхавальніка дашкольнай установы (Мікіціха, Обаль, Шуміліна – д/с №4), з/п 2,8 млн. руб.
Жывёлаводам можна ўладкавацца ў “Ляжнях” (з/п 3 млн. руб), “Прыдзвінскім” (з/п 2,2 млн. руб).
Заатэхнікам прапануе работу “Сіроцінскі” (з/п 3 млн. руб); “Прыдзвінскі” (з/п 2,3 млн. руб). “Аграбаравінка” прыме на работу заатэхніка-селекцыянера (2,3 млн. руб).
Загадчыка фермы запрашае “АграБаравінка” (3,5 млн. руб).
Вакансіі галоўнага інжынера і інжынера па ахове працы ёсць у “Шумілінскім райаграсэрвісе” (з/п 3,5 і 2,5 млн. руб). Інжынера па ахове працы запрашае і “Ульскі” (2,2 млн. руб).
Краўца 4-5 разраду запрашае КУП БАН (з/п 2,2 млн. руб).
Медыцынская сястра – тры вакансіі ёсць у Шумілінскай раённай бальніцы (з/п 3,5 млн. руб).
Калі вы педагог-псіхолаг ці сацыяльны педагог, вас чакаюць у аддзеле адукацыі, спорту і турызму райвыканкама (з/п 2,9 млн. руб).
Прыёмшчыкаў заказаў 3-5 разраду прыме на работу КУП БАН (з/п 2,2 млн. руб).
Станочнік дрэваапрацоўчых станкоў 4 разраду таксама знойдзе работу ў КУП БАН (з/п 2,5 млн. руб).
Токара 4-5 разраду возьмуць на работу ў “Ляжнях” (з/п 2,5 млн. руб).
Трактарыстаў чакаюць у “Прыдзвінскім” (з/п 2,2 млн. руб) і “Шумілінскім райаграсэрвісе” (з/п 2,3 млн. руб).
Шумілінская раённая бальніца мае вакансіі стаматолага, анэстазіёлага, эндакрынолага, афтальмолага (з/п 4,5 млн. руб), фельчара (3 вакансіі, з/п 4 млн. руб).
КУП БАН запрашае на работу цырульніка-мадэльера 3 разраду (з/п 2,2 млн. руб).
Галоўны эканаміст патрабуецца ў “Ульскім” (з/п 3,6 млн. руб).
Падрыхтавала
Аліна ПЯТРОВА.
Надрукавана ў №21 ад 17.03.2015 г.