Майстар прызавых сыроў
Юрый Шадзько прыйшоў працаваць у Шумілінскі вытворчы цэх ААТ “Малако” дзесяць гадоў таму. За плячыма – Віцебскі прафесійны ліцэй і дыплом электрыка. Праз некаторы час Юрый рызыкнуў і пайшоў варыць сыры. “Зараз Юрый – адзін з лепшых майстроў-сыраробаў на заводзе. Да таго ж, ён адзіны мужчына ў жаночай брыгадзе майстроў-сыраробаў. Ягоныя сыры – “расійскі”, “кастрамскі”, “галандскі”, “сметанковы” – неаднойчы займалі прызавыя месцы на розных выставах у Мінску, Санкт-Пецярбургу, Маскве, – кажа інжынер-тэхнолаг цэха Л. М. Пракопчык. – Дарэчы, Юрый пастаянна ўдасканальвае свае веды. Цяпер ён завочна заканчвае Пінскі дзяржаўны тэхналагічны каледж па спецыяльнасці “тэхналогія малака”.
Ларыса КІСЯЛЁВА.
Надрукавана ў №23 ад 24.03.2015 г.