Парны бадмінтон – упершыню ў Шуміліне
Упершыню ў Шуміліне прайшло першынство па парным бадмінтоне сярод жанчын «Спякотныя гульні», прысвечанае Году беларускай жанчыны.
Першынство поўнасцю апраўдала сваю назву: на пляцоўцы была сапраўды спякотная атмасфера. Усётакі выйграць першае ў Шуміліне такое першынство – вельмі ганарова, тым больш у Год беларускай жанчыны.
Кацярына Багданава і Рыта Беззубенка (Раён газазабеспячэння) сталі пераможцамі першынства. Другое месца заваявалі Юлія Савасцьянава і Алеся Шавяка (райвыканкам), трэцяе – Яўгенія Гукава і Ганна Іўлева (ОКЗ).
Арганізатарам спаборніцтваў выступіў фізкультурна-аздараўленчы цэнтр.
Аляксандр ШЭДЗЬКО.
