У Мішневічах гарэла кватэра
6 кастрычніка ў 3.44 у раённую службу выратавання 101 паступіла паведамленне пра задымленне ў кватэры шматкватэрнага дома ў аграгарадку Мішневічы. Па прыбыцці да месца выкліку ратавальнікаў назіралася задымленне на першым паверсе.
Гаспадар, 1978 г. н., на момант узнікнення пажару знаходзіўся ў кватэры. У выніку пажару ў пакоі пашкоджана маёмасць, закураны сцены, столь.
Прычына пажару высвятляецца. Разглядаецца версія неасцярожнага абыходжання з агнём пры курэнні гаспадара кватэры.
МНС нагадвае: большасць пажараў у дамах і кватэрах узнікае па прычыне неасцярожнага абыходжання з агнём пры курэнні, простымі словамі, з-за непатушанай цыгарэты. Вельмі небяспечна і недапушчальна паліць у ложку, тым больш у стане алкагольнага ап’янення!
Вадзім ПІВАВАРАЎ, інспектар РАНС.
