«За бяспеку разам!»
Для павышэння ўзроўню бяспекі насельніцтва Міністэрства па надзвычайных сітуацыях з 11 па 27 красавіка правядзе рэспубліканскую пажарна-прафілактычную акцыю «За бяспеку разам» па папярэджанні пажараў і гібелі людзей ад іх у жыллёвым фондзе ў вясенне-летні пажаранебяспечны перыяд.Да мерапрыемстваў далучацца прадстаўнікі Міністэрства ўнутраных спраў, Міністэрства працы і сацыяльнай абароны, Міністэрства адукацыі, Міністэрства інфармацыі, Міністэрства жыллёва-камунальнай гаспадаркі, Міністэрства аховы здароўя, Міністэрства энергетыкі, Беларускае добраахвотнае пажарнае таварыства.
Акцэнт у акцыі будзе зроблены на абследаванне супрацьпажарнага стану домаўладанняў адзінокіх і адзінока пражываючых сталых грамадзян, інвалідаў, сем’яў, у якіх дзеці знахо-дзяцца ў сацыяльна небяспечным становішчы. З імі будзе праведзена інструкцыйна-тлумачальная работа па выкананні правілаў пажарнай бяспекі, насельніцтва будзе праінфармавана пра магчымасці дзяржаўных арганізацый па аказанні паслуг па забеспячэнні іх бяспекі.
Ратавальнікі нагадваюць: праверце спраўнасць аўтаномных пажарных апавяшчальнікаў, калі яны адсутнічаюць – устанавіце ў жылых пакоях. Звярніце ўвагу на спраўнасць ацяпляльнага абсталявання і электраправодкі.
Памятайце: згодна з заканадаўствам адказнасць за выкананне патрабаванняў пажарнай бяспекі ў жылых дамах, якія належаць грама-дзянам на праве прыватнай уласнасці, ускла-дзена на іх уласнікаў.
Вадзім ПІВАВАРАЎ, інспектар РАНС.
Надрукавана ў №26 ад 08.04.2022 г.
