Новы этап жыцця
11 снежня стала знакавым днём для 9 дзевяцікласнікаў Мікіціхінскай СШ імя Героя Савецкага Саюза М. А. Ласкунова: іх ва ўрачыстай атмасферы прынялі ў рады самай масавай маладзёжнай арганізацыі – грамадскага аб’яднання «Беларускі рэспубліканскі саюз моладзі».
Членскія білеты і значкі БРСМ уручыла маладым людзям першы сакратар райкама ГА БРСМ Вікторыя Ратнікава.
– Вітаю вас з новым этапам вашага жыцця, – адзначыла Вікторыя. – У БРСМ тысячы падлеткаў і маладых людзей праходзяць школу грамадзянскага станаўлення, далучаюцца да грамадскага. Наперадзе ў нас багата розных спраў на карысць нашай Беларусі.
А перад гэтым маладыя людзі развіталіся з піянерскім жыццём. Дзевяцікласнікі праспявалі гімн піянераў Беларусі, у апошні раз адказалі на піянерскі дэвіз, аддалі піянерскі салют і развіталіся з чырвона-зялёным піянерскім гальштукам, перадаўшы яго старшыні раённага Савета ГА «Беларуская рэспубліканская піянерская арганізацыя» Тамары Мураўёвай. Тамара Мікалаеўна падзякавала рабятам за актыўны ўдзел у рабоце раённай піянерскай арганізацыі і пажадала плённай работы ў БРСМ.
Аляксандр ШЭДЗЬКО
Вікторыя Ратнікава ўручае членскі білет БРСМ Даніілу Сокалаву
