Обальская цэгла выходзіць на рынак Архангельскай вобласці
У Архангельску прайшла рабочая сустрэча мясцовых забудоўшчыкаў з дэлегацыяй з Віцебскай вобласці.
І ёсць добрыя навіны: ААТ «Обальскі керамічны завод» гатова стаць пастаўшчыком цэглы для будаўніцтва жылля і сацыяльных аб’ектаў у Памор’і.
Віцебскую дэлегацыю прадставілі начальнік упраўлення эканомікі і развіцця прамысловасці Віцебскага аблвыканкама Аляксей Няхаеў, намеснік дырэктара па развіцці ОКЗ Аксана Скамарохава, начальнік аддзела эканамічнага аналізу і продажаў завода Наталля Пліско.
Обальскую цэглу ў рэгіёне ўжо ведаюць. Прадпрыемства актыўна працуе з расійскімі партнёрамі: штомесяц у Архангельскую вобласць адпраўляецца 10-12 вагонаў прадукцыі. Геаграфія паставак расце, попыт на якасны будаўнічы матэрыял – таксама.
Алена КАРПУШЭНКА.
