1 кастрычніка – Дзень пажылых людзейДарагія землякі!
Паважаныя ветэраны Вялікай Айчыннай вайны і працы, пенсіянеры, прадстаўнікі старэйшага пакалення Шумілінскага раёна!
Ад усёй душы віншуем вас з Днём пажылых людзей!
Гэта асаблівы дзень, які закліканы нагадаць усім пра непарыўную сувязь пакаленняў і пра наш абавязак паважаць прадстаўнікоў шаноўнага ўзросту!
Вы цярпліва, з разуменнем і мудрасцю вучыце нас міласэрнасці і працалюбству, вернасці сваёй сям’і і Радзіме, уменню годна жыць, ніколі не страчваць надзею і ўпэўненасць ва ўласных сілах. Сёння мы карыстаемся вашымі дасягненнямі і напрацоўкамі, бярэм з вас прыклад, працягваем традыцыі і не перастаём захапляцца вашай актыўнай грамадзянскай і жыццёвай пазіцыяй.
На сучасным этапе робіцца ўсё магчымае для паляпшэння вашага сацыяльнага становішча, стварэння добрых умоў для вашага паўнацэннага ўдзелу ў эканамічным, культурным і духоўным жыцці грамадства. Але ўсё гэта не заменіць цяпла і ўтульнасці хатняга ачага, сардэчнасці чалавечых адносін, любві і прызнання дзяцей і ўнукаў.
Ад усёй душы жадаем вам моцнага здароўя і невычэрпнай энергіі на доўгія гады. Дастатку і дабрабыту вашым сем’ям, цеплыні і клопату родных і блізкіх!
Раённы выканаўчы камітэт. Раённы Савет дэпутатаў.
Надрукавана ў №75 ад 28.09.2018 г.
