Новыя твары ў знаёмых сценах:каго сёлета прынялі школы і сады Шуміліншчыны
У сістэму адукацыі раёна прыйшло 14 маладых спецыялістаў. 14 розных характараў, свежых поглядаў і надзей, якія цяпер будуюць сваю прафесійную біяграфію на Шуміліншчыне.
ВДУ імя П. М. Машэрава, Полацкі дзяржаўны педагагічны каледж і Аршанскі дзяржаўны педагагічны каледж далі раёну моцны кадравы дэсант. Толькі адна дзяўчына прыехала з Магілёва — прывезла з сабой дыплом бібліятэкара.
Самая вялікая школа раёна — СШ №1 г.п. Шуміліна — прыняла адразу чатырох навічкоў. Гэта Анастасія Чэрнікава (замежная мова), Лада Матышава (біялогія), Эвеліна Зенькова (фізічная культура і спорт) і Ангеліна Грабянчук (выхавальнік групы падоўжанага дня).
У СШ №2 г.п. Шуміліна сярод навічкоў апынулася прадстаўніца кніжнага свету — Анастасія Ісаева, выпускніца Магілёўскага каледжа мастацтваў. Яна ўжо ператварае бібліятэку ў прастору адкрыццяў і спазнання новага. Побач з ёй — Ульяна Тычко, якая будзе выхавальнікам групы падоўжанага дня.
Башнеўская БШ атрымала двух спецыялістаў: Таццяну Дзямідзенка (выхавальнік дашкольнікаў) і Ульяну Шаўнёву (настаўнік фізічнай культуры і спорту). У Амбросавіцкай БШ з’явіліся Віялета Пракапчук (настаўнік нямецкай мовы) і Людміла Кухто (выхавальнік).
Сады — таксама з папаўненнем. Тры дзяўчыны-выхавальніцы раз’ехаліся па трох кропках: Яна Дземянёва — у Шумілінскі дзіцячы сад №3, Ангеліна Пецюкевіч — у Шумілінскі дзіцячы сад №2, Паліна Крузе — у Мікалаеўскі сад.
Валерыя Каніна сваю працоўную біяграфію пачала юрысконсультам у раённым сацыяльна-педагагічным цэнтры.
Маладыя спецыялісты толькі пачынаюць свой працоўны шлях, але кожны з іх з упэўненасцю глядзіць у будучыню.
Аляксандр ШЭДЗЬКО.
