На новым КВК
Амаль два месяцы таму ААТ «Прыазёрны мір» пабагацеў на новы кормаўборачны камбайн, на якім працуе Мікалай Жыгуноў.
Кормаатрад сельгаспрадпрыемства мы заспелі на палетках каля Дабеі. Механізатары займаліся падкосам атавы для кармлення цялят. “Зялёнку” на фермы Непароты адвозілі Сяргей Ціманоўскі і Валерый Харкевіч. «На новым КВК працаваць любата! – пахваліўся Мікалай Жыгуноў. – Скасіў на ім 2,5 тысячы тон травы, якую заклалі ў сянажныя траншэі. Зараз паедзем на кукурузнае поле ў Непароты».
Усяго ў «Прыазёрным міры» засеяна 400 гектараў кукурузы. На раніцу 11 верасня было ўбрана 145 га.
Ларыса ЗАЙЦАВА.
